English version |
|
|||
|
მიწისა და უძრავი ქონების პროფესიონალთა ასოციაცია ერთ-ერთი ყველაზე დიდი არასამთავრობო ორგანიზაციაა საქართველოში. ორგანიზაციას აქვს მყარი შემოსავლები, რომლებიც მის მიერ განხორციელებული საქმიანობების ზრდის ადეკვატურია. საქმიანობის საწყის ეტაპზე ორგანიზაცია მნიშვნელოვნად იყო დამოკიდებული გრანტებზე, ამიტომ ასოციაციის ხელმძღვანელობა ცდილობდა საქმიანობის გაფართოებას და კერძო სექტორთან თანამშრომლობის გაღრმავებას ორგანიზაციის მდგრადი განვითარების უზრუნველყოფის მიზნით. ასოციაციის ერთ-ერთი მთავარი პრიორიტეტია მისი საქმიანობის გამჭვირვალობის უზრუნველყოფა და კლიენტებთან და პარტნიორებთან ეფექტიანი თანამშრომლობა, რისთვისაც ფინანსური მართვის სისტემის მოდერნიზება ერთ-ერთი აუცილებელი წინაპირობაა. ფინანსური აღრიცხვის პროცედურების საერთაშორისო სტანდარტებთან შესაბამისობაში მოყვანის, ფინანსური მართვის და შიდა კონტროლის პროცედურების ჩამოყალიბების მიზნით ასოციაციამ საერთაშორისო ექსპერტებთან მჭიდრო თანამშრომლობით შეიმუშავა ფინანსური აღრიცხვის სახელმძღვანელო, რომელიც უზრუნველყოფს ფინანსების მართვის გამჭვირვალობას და ორგანიზაციულ წესრიგს. საერთაშორისო რეპუტაციის მქონე აუდიტორული კომპანიები რეგულარულად ამოწმებენ ასოციაციის მიერ განხორციელებულ საქმიანობას ორგანიზაციაში არსებული შიდა კონტროლის და ბუღალტრული აღრიცხვის საერთაშორისო პროცედურებთან შესაბამისობის შეფასების მიზნით. დამოუკიდებელ აუდიტორებთან და კონსულტანტებთან რეგულარული კონსულტაციები და თანამშრომელთა კვალიფიკაციის მუდმივად ზრდა ხელს უწყობს ასოციაციის საქმიანობის გამჭვირვალობისა და ეფექტიანობის ზრდას. |
|||
|